Google ADS

Fletarrest ndaj 110 të dyshuarve për orkestrimin e puçit në Turqi

17:24 | 20 Tetor 2017
Arbresh.info

Autoritetet turke kanë lëshuar fletarrestet për 110 vetë nga një kompani, e dyshuar se ka lidhje me klerikun e SHBA-së, të cilin Ankaraja thotë se orkestroi puçin e vitit të kaluar, njofton agjencia e lajmeve Dogan.

Agjencia raportoi se operacioni i policisë për të kapur të dyshuarit, të cilët ishin menaxherë, partnerë dhe punonjës të grupit botues Kaynak Holding ishte i fokusuar në Stamboll, por u përhap edhe në 24 krahina, raporton REL.

Kaynak Holding, u kap nga shteti në vitin 2015 nën akuzat se kishte lidhje me lëvizjen e klerikut islamik, Fethullah Gulen, i cili ka jetuar në mërgim të Pensilvani që nga viti 1999.

Ai ka mohuar përfshirjen në puçin e korrikut të vitit 2016.

Qindra firma si Kaynak, shumë prej tyre biznese të vogla provinciale, u konfiskuan nga autoritetet si goditje pas grusht shtetit.

Ato tani drejtohen nga administratorë të emëruar nga qeveria.

 

Shpërndaje në rrjete sociale

Lajmet më të lexuara

Të ngjashme

Foto lajm